ابو اسحاق بیان کرتے ہیں کہ علی رضی اللہ عنہ نے فرمایا، اور انہوں نے اپنے بیٹے حسن رضی اللہ عنہما کی طرف دیکھا تو فرمایا: بے شک میرا یہ بیٹا ”سید“ ہے جس طرح رسول اللہ صلی ‌اللہ ‌علیہ ‌وآلہ ‌وسلم نے اس کا نام رکھا، اور عنقریب اس کی صلب سے ایک آدمی نکلے گا ”اس کا نام تمہارے نبی کے نام پر ہوگا، وہ اخلاق و سیرت میں ان کے مشابہ ہوگا، اور وہ نقوش اور قد و قامت میں ان کے مشابہ نہیں ہوگا“، پھر قصہ ذکر کیا کہ ”وہ زمین کو عدل سے بھر دے گا“۔ ابو داؤد، اور انہوں نے قصہ ذکر نہیں کیا۔ اس کی سند ضعیف ہے، اسے ابو داؤد نے روایت کیا ہے۔ [مشكوة المصابيح/كتاب الفتن/حدیث: 5462]