انس رضی اللہ عنہ سے روایت ہے کہ ایک آدمی نے نبی صلی ‌اللہ ‌علیہ ‌وآلہ ‌وسلم سے اتنی بکریاں مانگیں جن سے دو پہاڑوں کا درمیانی فاصلہ بھر جائے، آپ نے اسے اتنی ہی دے دیں، تو وہ اپنی قوم کے پاس گیا اور ان سے کہا: اے میری قوم! اسلام قبول کر لو، اللہ کی قسم! محمد صلی ‌اللہ ‌علیہ ‌وآلہ ‌وسلم اس قدر عطا فرماتے ہیں کہ وہ فقر کا اندیشہ نہیں رکھتے۔ (یا فقر کا اندیشہ نہیں رہتا) (رواہ مسلم) [مشكوة المصابيح/كتاب الفضائل والشمائل/حدیث: 5806]