ابوہریرہ رضی اللہ عنہ بیان کرتے ہیں کہ جب سورۂ جمعہ نازل ہوئی تو ہم رسول اللہ صلی ‌اللہ ‌علیہ ‌وآلہ ‌وسلم کے پاس بیٹھے ہوئے تھے، جب یہ آیت ﴿وَآخَرِينَ مِنْهُمْ لَمَّا يَلْحَقُوا بِهِمْ﴾ [سورة الجمعة: 3] نازل ہوئی تو ہم نے عرض کیا: اللہ کے رسول! ان سے کون لوگ مراد ہیں؟ راوی بیان کرتے ہیں کہ سلمان فارسی رضی اللہ عنہ ہمارے درمیان موجود تھے، نبی صلی ‌اللہ ‌علیہ ‌وآلہ ‌وسلم نے سلمان رضی اللہ عنہ پر اپنا دستِ مبارک رکھ کر فرمایا: ”اگر ایمان ثریا پر بھی ہو گا تو تب بھی ان لوگوں میں سے کچھ حضرات اس تک پہنچ جائیں گے۔“ متفق علیہ۔ [مشكوة المصابيح/كتاب المناقب/حدیث: 6212]