عطیہ بن سعد عوفی کہتے ہیں کہ ”میں نے سیدنا عبداللہ بن عمر رضی اللہ عنہما کے سامنے قراءت کی اور یوں پڑھا: ﴿اللَّهُ الَّذِي خَلَقَكُمْ مِنْ ضَعْفٍ﴾ [سورة الروم: 54] (ضاد پر فتحہ کے ساتھ) تو انہوں نے فرمایا: ” «مِنْ ضُعْفٍ» پڑھو (یعنی ضاد پر ضمہ ہے)، میں نے رسول اللہ صلی اللہ علیہ وسلم پر یہ آیت اسی طرح پڑھی تھی جیسے کہ تو نے مجھ پر پڑھی ہے تو آپ صلی اللہ علیہ وسلم نے میری گرفت فرمائی جیسے کہ میں نے تمہاری گرفت کی ہے۔““ [سنن ابي داود/كتاب الحروف والقراءات /حدیث: 3978]