فوائد:
➊ ان احادیث میں امام زہری کو وہم ہوا ہے کہ انہوں نے ذوالیدین اور ذوالشمالین کو خلط ملط کر دیا ہے، حالانکہ واقعہ میں ذوالیدین خرباق کا بیان ہے۔
ذوالشمالین ایک دوسرے صحابی ہیں، وہ غزوہ بدر میں شہید ہو گئے تھے۔
یہاں وہ مقصود نہیں ہیں۔
لہذا یہاں ذوالیدین سے ذوالشمالین مراد لینا اور اس سے اس حدیث کو منسوخ قرار دینے کی سعی لاحاصل اور فضول ہے۔
➋ شمس الحق عظیم آبادی لکھتے ہیں:
ذوالشمالین، ذوالیدین کے سوا اور صحابی ہیں۔
زہری کو وہم ہوا اور انہوں نے ذوالیدین اور ذوالشمالین کو ایک ہی شخص بنا ڈالا۔
تاہم علما نے ان کے اس وہم کی وضاحت کی ہے۔
◈ چنانچہ ابن عبدالبر رحمہ اللہ بیان کرتے ہیں:
”ذوالیدین، ذوالشمالین کے علاوہ صحابی ہیں اور ذوالیدین وہ ہیں جن کا ذکر سجدہ سہو کے باب میں آیا ہے، ان کا نام خرباق ہے، جبکہ ذوالشمالین کا نام عمیر بن عمرو ہے۔“ [عون المعبود: 215/3]