فوائد:
➊ مشرکین کے برتن پاک ہیں، البتہ ان کے ناپاک ہونے کی صریح نص موجود ہو تو ٹھیک ورنہ انہیں طہارت پر محمول کیا جائے گا۔
➋ مردار کا چمڑا رنگنے سے پاک ہو جاتا ہے، کیونکہ مشرک عورت کے مشکیزے مشرکین کے ذبیحوں کے تھے اور مشرکین کے ذبیحے مردار ہوتے ہیں، لہذا یہ حدیث دلیل ہے کہ دباغت کے بعد مردار جانوروں کے چمڑے پاک ہو جاتے ہیں۔ اور انہیں زیر استعمال لانا جائز ہے۔
➌ مشرک اعتقادی نجس ہے، اس کا جسم نجس نہیں، اس لیے کہ مشرک عورت کے ہاتھ مشکیزے بھرتے وقت پانی کو لگتے تھے اور وہ پانی دو مشکوں سے کم تھا، لہذا اگر مشرک جسمانی لحاظ سے نجس ہوتے تو یہ پانی استعمال کرنا ناجائز ہوتا۔ لہذا یہ حدیث دلیل ہے کہ مشرکین اعتقادی لحاظ سے ہی نجس ہیں۔
➍ اس حدیث میں نبی صلی اللہ علیہ وسلم کے عظیم معجزہ اور علامت نبوت کا بیان ہے۔ پانی کی عدم دستیابی اور سخت حاجت کے وقت پانی کے مالک سے زبردستی پانی حاصل کرنا جائز ہے اور اس کے عوض میں اتنی رقم وغیرہ ادا کر دی جائے۔