فوائد:
◈ امام شوکانی رحمہ اللہ فرماتے ہیں:
یہ احادیث نماز چاشت کی عظمت و اہمیت اور اس کی تاکید پر دلالت کرتی ہیں اور دو رکعت نماز چاشت تین سو ساٹھ جوڑوں کے صدقہ سے کفایت کرتی ہیں۔
جب اس نماز کی اتنی اہمیت ہے تو یہ اس لائق ہے کہ اس پر مواظبت و مداومت کی جائے۔
نیز یہ احادیث دلیل ہیں کہ بکثرت تسبیح و تحمید کرنا، امر بالمعروف و نہی عن المنکر کا فریضہ انجام دینا، مسجد میں پڑے بلغم کو دفنانا، راستے سے تکلیف دہ چیز ہٹانا اور من جملہ امور اطاعت بجا لانا مستحب اعمال ہیں۔
ان سے انسان پر ہر دن کے صدقات لازمہ ساقط ہو جاتے ہیں۔ [نیل الأوطار: 69/3]