فوائد:
➊ یہ احادیث اس بات کی دلیل ہیں کہ اگر دشمن کا زیادہ خوف ہو اور نماز باجماعت کا اہتمام ناممکن ہو اور نماز کے فوت ہونے کا اندیشہ ہو تو پیادہ و سوار اپنے طور پر نماز کا اہتمام کر لیں۔
➋ یہ طریقۂ نماز جائز ہے اور اس صورت میں قبلہ رخ ہونا لازم نہیں۔
➌ جس سمت بھی رخ ہو، اسی طرف منہ کر کے نماز پڑھنا جائز ہے۔
➍ شدید ترین خوف کی صورت میں اگر نماز کا وقت چلا بھی جائے تو گناہ نہیں، بلکہ امن کی صورت میں فوت شدہ نمازوں کو قضا کر کے پڑھنا جائز ہے، جیسے رسول اللہ صلی اللہ علیہ وسلم نے غزوہ خندق میں کیا تھا۔