فوائد:
➊ اگر عورتیں نمازِ باجماعت میں حاضر ہوں تو نماز سے سلام پھیرنے کے بعد امام اور مقتدی کچھ دیر رکے رہیں تاکہ عورتیں مسجد سے نکل جائیں اور مردوں و عورتوں کا اختلاط نہ ہو۔
➋ اگر عورتیں نمازِ باجماعت میں شامل ہوں تو جتنی دیر مرد مسجد میں ٹھہرے ہوں، عورتوں کو جلدی وہاں سے نکل جانا چاہیے اور ارادی و غیر ارادی طور پر مسجد میں زیادہ دیر نہیں ٹھہرنا چاہیے۔ مرد و زن کے عدم اختلاط کا یہ عمدہ حل ہے۔