فوائد:
➊ یہ احادیث اس بات کی دلیل ہیں کہ بستیوں وغیرہ میں جمعہ کا انعقاد جائز و مباح ہے اور احناف کا اس حدیث ❀ «لَا جُمُعَةَ وَلَا تَشْرِيقَ إِلَّا فِى مِصْرٍ جَامِعٍ» (جمعہ اور تشریق کا اہتمام کسی بڑے شہر ہی میں جائز ہے۔) سے استدلال کرنا درست نہیں ہے۔
کیونکہ یہ حدیث بمجموع الطرق ضعیف ہے۔ [الضعيف: 916]
➋ نماز جمعہ کو شہر سے مشروط کرنا درست نہیں، کیونکہ اس بارے میں کوئی صحیح حدیث ثابت نہیں۔
پھر احناف کا عمل اپنے اس موقف کے مخالف ہے، اور آج احناف بستیوں اور دیہاتوں میں جمعہ کا انعقاد کرتے ہیں، جو فقہ حنفی کے خلاف ہے۔