فوائد:
➊ استنشاق ناک کے اندر پانی داخل کرنا، پھر اسے سانس کے ذریعے ناک کے بالائی حصے کی طرف کھینچنا ہے۔ دورانِ وضو کلی اور ناک میں پانی چڑھانے میں مبالغہ کرنا مستحب فعل ہے، لیکن حالتِ روزہ میں استنشاق مکروہ ہے۔ [شرح النووي: 1/373]
➋ حالتِ روزہ میں استنشاق میں مبالغہ مکروہ ہے تاکہ اس سے پیٹ کے اندر پانی داخل ہو کر روزہ فاسد نہ ہو جائے۔ [تحفة الأحوذي: 2/330]
➌ ◈ امام خطابی رحمہ اللہ فرماتے ہیں:
اگر روزہ دار کے اپنے فعل سے پانی دماغ تک پہنچ جائے تو اس کا روزہ فاسد ہو جائے گا۔ علیٰ ہٰذا القیاس ہر چیز جو روزہ دار کے پیٹ میں پہنچ جائے، وہ حنوط (یا سعوط) وغیرہ کسی بھی ذریعہ سے پیٹ میں داخل ہو جائے، اس سے روزہ فاسد ہو جاتا ہے۔ [تحفة الأحوذي: 2/330]