فوائد:
➊ حالتِ سفر میں مسافر کو روزہ چھوڑنے کی رخصت ہے۔
➋ دورانِ سفر روزہ رکھنے کے بعد مسافر روزہ کی مشقت و تکلیف محسوس کرنے پر دن کے کسی بھی حصہ میں روزہ توڑ سکتا ہے، اس سے اس پر کوئی گناہ لازم نہیں آتا۔ لہٰذا مسافر روزہ دار روزہ کی مشقت محسوس کرنے پر دن کے کسی بھی حصہ میں روزہ توڑ سکتا ہے۔
➌ دشمن سے مڈبھیڑ کے وقت مجاہدین روزہ ترک کر دیں، یہ ان کے لیے بہتر ہے کیونکہ اس سے حاصل ہونے والی قوت سے دشمن کا بہتر انداز سے مقابلہ کیا جا سکتا ہے۔
➍ سفر میں لوگ روزہ کی وجہ سے بدحال ہوں تو انہیں روزہ توڑنے کی تلقین کرنی چاہیے، پھر اس کے باوجود بھی لوگ روزہ نہ چھوڑیں تو امام خود اس کام کا آغاز کر دے۔ باقی لوگ بھی پیروی میں یہ کام سر انجام دیں گے۔