فوائد:
➊ ◈ مہلب رحمہ اللہ کہتے ہیں: (احادیث الباب دلیل ہیں کہ) نفل اعمال معین اوقات کے ساتھ مختص نہیں، بلکہ ان کا مدار ارادہ و نشاط پر ہے (چنانچہ جب طبیعت میں نشاط ہو تو بلا تعیین نفلی اعمال کیے جا سکتے ہیں)۔ [شرح ابن بطال: 7/ 135]
➋ ◈ نووی رحمہ اللہ بیان کرتے ہیں کہ احادیث الباب دلیل ہیں کہ ہر مہینے میں نفلی روزے رکھنا مستحب فعل ہے۔
➌ نفلی روزے معین اوقات کے ساتھ مختص نہیں بلکہ رمضان، عید اور ایام تشریق کے سوا سال بھر ہی نفلی روزے رکھنا جائز ہیں۔ [شرح النووي: 4/ 161]