فوائد:
➊ (احادیث الباب دلیل ہیں کہ) جمعہ کا مفرد روزہ رکھنا مکروہ ہے۔
البتہ عادت کے مطابق جمعہ کا روزہ آ جائے یا جمعہ سے پہلے یا بعد میں ایک دن مزید روزہ رکھ لیا جائے تو یہ عمل مکروہ نہیں۔
مثلاً عادت کا روزہ یوں کہ کوئی شخص یہ نذر مانے کہ وہ مریض کی شفا کے دن کا ہمیشہ روزہ رکھے گا اور شفایابی کا دن جمعہ ہو تو اس دن روزہ رکھنا مکروہ نہیں۔
➋ ◈ علماء بیان کرتے ہیں کہ جمعہ کے روزہ کی ممانعت میں حکمت یہ ہے کہ جمعہ کا دن ذکر و دعا، غسل، نماز کے لیے جلدی جانے، نماز جمعہ کے انتظار، خطبہ کو بغور سننے اور دیگر عبادات اور اذکار کی کثرت کا دن ہے، لہذا اس دن روزہ چھوڑنا افضل ہے اور ان وظائف کی ادائیگی میں زیادہ معاون ہے۔ [شرح النووي: 8/19]