فوائد:
➊ احادیث الباب دلیل ہیں کہ بارش، نہروں، چشموں اور زمین کی نمی سے سیراب ہونے والی زمین میں زکوٰۃ دسواں حصہ ہے، بشرطیکہ یہ فصل نصابِ عشر کو شامل ہو اور رہٹ، ٹیوب ویل اور ٹربائن وغیرہ سے سیراب ہونے والی زمین کی فصل میں واجب زکوٰۃ نصف عشر (بیسواں حصہ) ہے۔
➋ ◈ امام نووی رحمہ اللہ بیان کرتے ہیں (احادیث الباب دلیل ہیں کہ) جو زمین بارش یا نہروں کے پانی سے سیراب ہو، جس سے زیادہ مشقت نہ اٹھانا پڑے تو اس میں عشر (دسواں حصہ) ہے اور جو زمین کنوؤں سے پانی کھینچ کر سیراب کی جائے اور اس کی سیرابی میں زیادہ مشقت اٹھانی پڑے ایسی زمین میں نصف عشر (بیسواں حصہ) زکوٰۃ ہے۔ یہ متفق علیہ مسئلہ ہے۔ [شرح النووي: 7/64]