فوائد:
➊ حج کی تعریف: حج سے مقصود طواف، سعی، وقوفِ عرفہ اور تمام مناسکِ حج کو بطور عبادت ادا کرنے کی خاطر اللہ تعالیٰ کے حکم کی تعمیل اور اس کی رضا کی خاطر مکہ کا قصد کرنا ہے۔
➋ یہ اسلام کے پانچ بنیادی ارکان میں سے ایک رکن ہے اور اسلام کے ضروری فرائض میں سے فرض ہے، اور اگر کوئی شخص حج کے وجوب کا انکار کر دے تو وہ کافر اور مرتد ہو جاتا ہے۔
➌ حج فرض کب ہوا؟ جمہور علما کے نزدیک راجح موقف یہ ہے کہ حج چھ ہجری کو فرض ہوا تھا، اور ابن قیم رحمہ اللہ نے اس بات کو ترجیح دی ہے کہ حج نو یا دس ہجری کو فرض ہوا تھا۔ [فقه السنہ: 550/1]