فوائد:
➊ ان احادیث میں بھی رکن یمانی اور حجر اسود کی عظمت کا بیان ہے کہ یہ دو انتہائی سفید و قیمتی پتھر تھے، جنہیں جنت سے اتارا گیا، پھر اللہ تعالیٰ نے ان کی چمک و سفیدی کو ماند کر دیا، پھر کچھ بنی آدم کے گناہوں نے انہیں سیاہ کر دیا۔
➋ رکن یمانی اور حجر اسود حجاج و معتمرین کے گناہ جذب کر لیتے ہیں۔
➌ گناہوں کی تاثیر پتھروں پر بھی اثر انداز ہوتی ہے، تو انسان کو کیسے سیاہ کر دیتی ہوگی، اس کے اثرات گناہ گاروں پر دیکھے جا سکتے ہیں، لہٰذا جسمانی و روحانی خوبصورتی کے لیے گناہوں سے اجتناب لازم ہے۔