فوائد:
➊ چھوٹی ہوئی نماز کے لیے اذان و اقامت کہنا مشروع ہے، چنانچہ قاسم، ہادی، ناصر، ابوحنیفہ، احمد بن حنبل، ابوثور، مالک اور اوزاعی رحمہم اللہ کا مذہب ہے کہ چھوٹی ہوئی نماز کے لیے اذان و اقامت کہنا مستحب عمل ہے۔ [نیل الأوطار: 61/2]
➋ چھوٹی ہوئی نوافل و سنن ادا کرنا بھی مستحب فعل ہے۔
➌ شیطانی جگہوں سے اجتناب کر لینا چاہیے اور اگر ایسے مقامات پر انسان ہو تو ان سے کنارہ کشی کر لینی چاہیے۔
➍ اگر کوئی نماز کسی عذر کی وجہ سے یا بلا عذر چھٹ جائے تو یاد آنے پر اسے ادا کر لینا چاہیے، وقت گزرنے سے اس کی فرضیت ختم نہیں ہوتی۔