فوائد:
➊ یہ احادیث دلیل ہیں کہ جو شخص دورانِ نماز کسی انسان یا پاک جاندار مثلاً کسی پرندے یا بکری وغیرہ کو اٹھا لے تو اس کی نماز صحیح ہوگی۔
➋ جب تک بچوں کے کپڑوں اور ابدان کی نجاست ثابت نہ ہو، ان کے کپڑوں اور ابدان کی طہارت باقی رہتی ہے۔
➌ نماز میں عملِ قلیل سے نماز باطل نہیں ہوتی، اور نمازی سے اگر وقفہ وقفہ سے کثیر افعال سرزد ہوں تو بھی نماز باطل نہیں ہوتی۔
➍ ان احادیث میں بچوں اور کمزور و ناتواں لوگوں سے عاجزی اختیار کرنا اور ان سے نرمی وملاطفت اختیار کرنے کا بیان ہے۔ [شرح النووي: 30/5]