فوائد:
➊ مسافر کا مقیم امام کی اقتداء میں نماز پڑھنا جائز ہے اور اس صورت میں مسافر پوری نماز پڑھے گا۔
➋ مسافر امام کی اقتداء میں یا تنہا نماز پڑھنے کی صورت میں مسافر قصر نماز ادا کرے گا۔
➌ اگر مقیم امام کے پیچھے مسافر مقتدی دو رکعت گزرنے کے بعد شامل ہو تو مسافر کو آخری دو رکعت پڑھنے کے بعد سلام پھیر دینا چاہیے یا پوری نماز پڑھنی چاہیے، اس بارے میں علماء کا اختلاف ہے، لیکن احادیثِ باب کی رو سے یہ راجح معلوم ہوتا ہے کہ اس صورت میں پوری نماز پڑھنا ہی مسنون ہے، کیونکہ ان احادیث میں مقیم امام کے پیچھے پوری نماز پڑھنا سنتِ نبوی قرار دیا گیا ہے، اس میں اول یا آخر کی نماز میں شامل ہونے کی وضاحت نہیں ہے۔