سیدنا سعد (بن ابی وقاص) رضی اللہ عنہ نے بیان کیا: ”میں سب سے پہلا عرب ہوں جس نے اللہ کے راستے میں تیر چلائے۔ ہم نے اس حال میں وقت گزارا ہے کہ جہاد کر رہے تھے اور ہمارے پاس کھانے کی کوئی چیز «الْحُبْلَةِ» ”حبلہ“ کے پتوں اور اس «السَّمُرِ» ”ببول“ کے سوا کھانے کے لیے نہیں تھی اور بکری کی مینگنوں کی طرح ہم پاخانہ کیا کرتے تھے۔ اب یہ بنو اسد کے لوگ مجھ کو اسلام سکھلا کر درست کرنا چاہتے ہیں، پھر تو میں بالکل بدنصیب ٹھہرا اور میرا سارا کیا کرایا اکارت گیا۔“ [اللؤلؤ والمرجان/كتاب الزهد والرقائق/حدیث: 1869]