یسیر بن عمرو کہتے ہیں کہ میں نے سیدنا سہل بن حنیف (بدری صحابی) رضی اللہ عنہ سے پوچھا: کیا آپ نے نبی کریم صلی اللہ علیہ وسلم کو خوارج کے سلسلے میں کچھ فرماتے ہوئے سنا ہے؟ انہوں نے بیان کیا کہ میں نے رسول اللہ صلی اللہ علیہ وسلم کو یہ کہتے سنا ہے اور آپ صلی اللہ علیہ وسلم نے عراق کی طرف ہاتھ سے اشارہ فرمایا تھا کہ: ”ادھر سے ایک جماعت نکلے گی، یہ لوگ قرآن مجید پڑھیں گے لیکن قرآن مجید ان کے حلق سے نیچے نہیں اترے گا، وہ اسلام سے اس طرح باہر ہو جائیں گے جیسے تیر شکار کے جانور سے باہر نکل جاتا ہے۔“ [اللؤلؤ والمرجان/كتاب الزكاة/حدیث: 644]