حضرت عطاء فرماتے ہیں کہ میں نے حضرت ابن عمر رضی اللہ عنہما، حضرت ابو سعید اور حضرت ابو ہریرہ رضی اللہ عنہ کو دیکھا وہ جب حجر اسود کا استلام کرتے تو اپنے ہاتھوں کو چومتے۔ راوی کہتے ہیں کہ میں نے عرض کیا کہ اور حضرت ابن عباس رضی اللہ عنہما بھی؟ آپ نے فرمایا کہ میرا خیال ہے ابن عباس رضی اللہ عنہما بھی، حضرت عطاء فرماتے ہیں کہ میں رکن کو ہاتھ نہ لگاتا اگر میں اپنے ہاتھوں کو بوسہ نہ دیتا اور حضرت عمرو بن دینار فرماتے ہیں جس نے رکن کو چھوا اور اپنے ہاتھوں کو نہ چوما اس نے بےرخی برتی۔ [مصنف ابن ابي شيبه/كتاب الحج/حدیث: 15172]