حضرت حسن فرماتے ہیں کہ حضرت عمر نے ایک دن فرمایا کہ کون شخص دادا سے متعلق رسول اللہ صلی اللہ علیہ وآلہ وسلم کے فیصلہ کو جانتا ہے؟ تو معقل بن یسار المزنی کہنے لگے کہ ہمارے ایک آدمی کے بارے میں آپ صلی اللہ علیہ وآلہ وسلم نے اس کا فیصلہ فرمایا تھا۔ حضرت عمر نے کہا: کہ کس چیز کا؟ وہ کہنے لگے! چھٹے حصہ کا، حضرت عمر نے کہا:ـ تمہارے ساتھ کون شخص اس بات کی گواہی دے گا؟ معقل نے کہا: کہ میں کسی کو نہیں جانتا۔ آپ نے کہا: تو نہیں جانتا! تب کیا فائدہ؟ [مصنف ابن ابي شيبه/كتاب أقضية رسول الله ﷺ/حدیث: 31040]