حارث فرماتے ہیں کہ حضرت علی رضی اللہ عنہ کے پاس ان چچا زاد بھائیوں کا مسئلہ لایا گیا جن میں سے ایک ماں شریک بھائی تھا، جبکہ حضرت ابن مسعود رضی اللہ عنہ نے اس ماں شریک کو پورا مال دیا تھا، حضرت علی رضی اللہ عنہ نے فرمایا: اللہ تعالیٰ ابو عبد الرحمن پر رحم فرمائے، وہ بلاشبہ فقیہ تھے، اگر میں ہوتا تو اس کو چھٹا حصّہ دیتا، اور پھر وہ مال میں دوسرے چچا زاد بھائیوں کا شریک ہوتا۔ [مصنف ابن ابي شيبه/كتاب الفرائض/حدیث: 33154]