حضرت ابن عباس رضی اللہ عنہما فرماتے ہیں: تحقیق حضرت موسیٰ علیہ السلام نے فرمایا: ”اے میرے رب بیشک میں اس اچھی چیز کا محتاج ہوں جو آپ میری طرف اتاریں“ حالانکہ آپ اللہ تعالیٰ کے نزدیک ان کی مخلوق میں سے سب سے زیادہ معزز تھے۔ اور یقینی بات ہے کہ آپ کے پاس کھجورکا ایک چھوٹا سا ٹکڑا بھی نہ تھا۔ اور بھوک کی وجہ سے آپ علیہ السلام کی یہ حالت ہوگئی تھی کہ آپ کا پیٹ کمر سے جا لگا تھا۔ [مصنف ابن ابي شيبه/كتاب الزهد/حدیث: 37017]