عبادہ بن نسی رحمہ اللہ سے روایت ہے، انہوں نے کہا کہ عبدالملک بن مروان بیت المقدس میں نماز ادا کرنے کے ارادے سے روانہ ہوئے اور انہوں نے اپنا خیمہ «فاثورِ ابراہیم» (سیدنا ابراہیم علیہ السلام سے منسوب مقام) پر لگایا۔ میری ان سے ملاقات ہوئی جبکہ میرے ساتھ لشکری بھی تھے، پھر میں ان کے پاس داخل ہوا تو انہوں نے فرمایا: ”اے عبادہ! ہم مسافر لوگ ہیں اور ہم پر جمعہ کی نماز واجب نہیں ہے، لہٰذا تم اپنے ساتھیوں کو جمعہ پڑھا دو۔“ [مصنف ابن ابي شيبه/كتاب الجمعة/حدیث: 5205]