سیدنا جابر رضی اللہ عنہ بیان کرتے ہیں: نبی کریم صلی اللہ علیہ وسلم نے یہ بات ارشاد فرمائی: ”جو شخص اللہ تعالیٰ پر اور آخرت کے دن پر ایمان رکھتا ہو، اس پر جمعہ کے دن نماز جمعہ ادا کرنا لازم ہے، البتہ بیمار شخص، مسافر شخص، عورت، (نابالغ) بچے اور غلام کا حکم مختلف ہے (ان پر جمعہ فرض نہیں)، تو جو شخص کسی دلچسپی کی چیز یا تجارت کی وجہ سے اس سے بے نیازی اختیار کرے (یعنی اسے ادا نہ کرے)، تو اللہ تعالیٰ اس شخص سے بے نیازی اختیار کرے گا، اور اللہ تعالیٰ بے نیاز ہے اور لائق حمد ہے۔“ [سنن الدارقطني/ كتاب الجمعة/حدیث: 1576]