سعید بن مسیب بیان کرتے ہیں کہ قصواء نبی کریم صلی اللہ علیہ وسلم کی اونٹنی تھی، وہ جس دوڑ میں بھی شامل ہوتی تھی، آگے نکل جایا کرتی تھی، کوئی اس سے آگے نہیں نکل سکتا تھا، ایک مرتبہ ایک دوڑ کے دوران وہ پیچھے رہ گئی تو صحابہ کرام کو بہت تکلیف ہوئی، نبی کریم صلی اللہ علیہ وسلم نے اس موقع پر ایک بات ارشاد فرمائی: ”لوگ جب بلندی حاصل کرتے ہیں تو بعض اوقات اللہ تعالیٰ ان کو پستی کی طرف بھی لے جاتا ہے (راوی کو شک ہے کہ شاید یہ الفاظ ہیں:) جب کسی کو بلند دیکھنا چاہتے ہیں۔“ [سنن الدارقطني/ كتاب السبق بين الخيل وما روي فيه عن النبى صلى الله عليه وسلم وهو زيادة فى الكتاب/حدیث: 4829]