سیدنا عثمان بن ابوالعاص رضی اللہ عنہ اپنی بیویوں سے یہ کہا کرتے تھے: ”جب تم میں سے کسی عورت کو نفاس آ جائے تو وہ چالیس دن تک میرے قریب نہ آئے، البتہ اگر وہ اس سے پہلے طہر دیکھ لے تو اس کا حکم مختلف ہے۔“ اس روایت کو نقل کرنے میں بھی اختلاف ہے۔ بعض راویوں نے سیدنا عثمان بن ابوالعاص رضی اللہ عنہ تک موقوف روایت کے طور پر نقل کی ہے۔ اسی طرح یہ روایت سیدنا عمر رضی اللہ عنہ، سیدنا عبداللہ بن عباس رضی اللہ عنہما، سیدنا انس بن مالک رضی اللہ عنہ اور دیگر حضرات کے حوالے سے ان کے اپنے قول کے طور پر منقول ہے۔ [سنن الدارقطني/ كتاب الحيض/حدیث: 855]