سیدہ عائشہ رضی اللہ عنہا سے روایت ہے کہ سیدنا اسامہ بن زید رضی اللہ عنہ دروازے کی چوکھٹ میں گر پڑے اور ان کی پیشانی پر زخم آگیا۔ (اور ایک روایت میں یوں ہے کہ خون بہنے لگا) تو رسول اللہ صلی اللہ علیہ وآلہ وسلم نے مجھ سے فرمایا: اس کی پیشانی سے خون صاف کر دو۔ لیکن مجھے کچھ کراہت سی محسوسی ہوئی، پس رسول اللہ صلی اللہ علیہ وآلہ وسلم خود شروع ہو گئے اور زخم کو چوس کر تھوکتے رہے اور آپ صلی اللہ علیہ وآلہ وسلم نے فرمایا: اگر اسامہ رضی اللہ عنہ لڑکی ہوتا تو میں اسے اچھے اچھے کپڑے اور زیور پہنا کر اس قدر خوب صورت بنا دیتا کہ لوگ اس سے شادی کرنے میں رغبت کا اظہار کرتے۔ [الفتح الربانی/أبواب فى فضائل بعض الصحابة الكرام/حدیث: 11627]