سیدنا عبداللہ بن ابو قتادہ رضی اللہ عنہ اپنے باپ سے بیان کرتے ہیں کہ ان کے لیے وضو کا پانی رکھا گیا، اس میں سے بلی نے پیا، لیکن انہوں نے اس سے وضو کرنا شروع کر دیا، لوگوں نے کہا: ”اے ابو قتادہ! اس سے تو بلی نے پیا ہے،“ انہوں نے کہا: ”میں نے رسول اللہ صلی اللہ علیہ وسلم کو یہ فرماتے ہوئے سنا تھا: بلی تو گھر والوں میں سے ہے اور یہ تو تم پر چکر لگانے والوں اور چکر لگانے والیوں میں سے ہے۔“ [الفتح الربانی/كتاب الطهارة/حدیث: 404]