سیدنا مسروق رحمہ اللہ سے روایت ہے کہ انہوں نے سیدنا عبد اللہ رضی اللہ عنہ سے آیت «ولا تحسبن الذين قتلوا في سبيل الله أمواتا بل أحياء» [آل عمران: 169] کے بارے میں سوال کیا۔ انہوں نے کہا: ہم نے اس بارے میں سوال کیا تھا، تو کہا گیا: ”ان کی روحیں سبز پرندوں کی صورت میں جنت میں جہاں چاہتی ہیں سیر کرتی ہیں، اور عرش سے لٹکتے قندیلوں میں ٹھہرتی ہیں۔“ پھر اللہ تعالیٰ نے انہیں فرمایا: ”مانگو جو چاہو۔“ انہوں نے کہا: ”اے رب! ہم اور کیا مانگیں حالانکہ ہم جنت میں سیر کر رہے ہیں۔“ پھر انہوں نے عرض کیا: ”ہماری روحیں ہمارے جسموں میں واپس کر دے تاکہ ہم پھر تیری راہ میں قتل ہوں۔“ جب اللہ نے دیکھا کہ وہ اور کچھ نہیں مانگتے تو انہیں اسی حال پر چھوڑ دیا۔ [سنن سعید بن منصور/كتاب الجهاد/حدیث: 3736]