عکرمہ رحمہ اللہ اس آیت ﴿وَلَا تَتَمَنَّوْا مَا فَضَّلَ اللَّهُ بِهِ بَعْضَكُمْ عَلَىٰ بَعْضٍ﴾ کی تفسیر میں فرماتے ہیں کہ عورتوں نے جہاد کا سوال کیا اور کہا: ”ہم چاہتی ہیں کہ اللہ ہمیں بھی جہاد کا موقع دے تاکہ ہم بھی مردوں کی طرح اجر حاصل کریں۔“ اس پر اللہ عزوجل نے یہ آیت نازل فرمائی: ﴿وَلَا تَتَمَنَّوْا مَا فَضَّلَ اللَّهُ بِهِ بَعْضَكُمْ عَلَىٰ بَعْضٍ﴾ (اور اس چیز کی تمنا نہ کرو جس میں اللہ نے تم میں سے بعض کو بعض پر فضیلت دی ہے)۔ [سنن سعید بن منصور/كتاب التفسير/حدیث: 623]