عکرمہ رحمہ اللہ سے «امہات الأولاد» کے بارے میں پوچھا گیا تو فرمایا: وہ آزاد ہیں۔ پوچھا گیا: آپ یہ کس بنیاد پر کہتے ہیں؟ فرمایا: قرآن کی بنیاد پر۔ کہا گیا: قرآن میں کہاں؟ فرمایا: اللہ عزوجل کا فرمان ہے: ﴿أَطِيعُوا اللَّهَ وَأَطِيعُوا الرَّسُولَ وَأُولِي الْأَمْرِ مِنْكُمْ﴾، اور سیدنا عمر رضی اللہ عنہ بھی اولی الامر میں سے تھے، اور انہوں نے حکم دیا تھا کہ وہ آزاد ہیں، اگرچہ پیدا ہونے والا بچہ ساقط ہی کیوں نہ ہو۔ [سنن سعید بن منصور/كتاب التفسير/حدیث: 657]