ابو مالک رحمہ اللہ نے فرمایا: قسمیں تین طرح کی ہوتی ہیں: ایک وہ جس پر کفارہ لازم ہے، دوسری وہ جس پر کفارہ نہیں، اور تیسری وہ جس پر کوئی مؤاخذہ نہیں۔ پہلی یہ کہ آدمی کسی کام کے نہ کرنے کی قسم کھائے اور پھر وہ کر لے تو کفارہ دینا ہوگا، دوسری یہ کہ جان بوجھ کر جھوٹی قسم کھائے، اس پر کوئی کفارہ نہیں بلکہ وہ گناہ کبیرہ ہے، اور تیسری یہ کہ کسی بات پر قسم کھائے اس گمان میں کہ وہ صحیح ہے، لیکن حقیقت میں وہ ویسے نہ ہو، تو ایسی قسم پر نہ مؤاخذہ ہے نہ کفارہ، اور یہی لغو قسم ہے۔ [سنن سعید بن منصور/كتاب التفسير/حدیث: 784]