ابراہیم تیمی رحمہ اللہ بیان کرتے ہیں: رسول اللہ صلی اللہ علیہ وسلم سے اللہ عزوجل کے اس فرمان ﴿الَّذِينَ آمَنُوا وَلَمْ يَلْبِسُوا إِيمَانَهُمْ بِظُلْمٍ﴾ یعنی وہ لوگ جو ایمان لائے اور اپنے ایمان کو ظلم کے ساتھ خلط ملط نہیں کیا، کے بارے میں سوال کیا گیا، تو آپ صلی اللہ علیہ وسلم نے کوئی جواب نہ دیا، یہاں تک کہ ایک شخص آیا، اسلام لایا، اور تھوڑی ہی دیر گزری تھی کہ وہ اللہ کی راہ میں جہاد کے لیے نکلا اور شہید ہو گیا۔ تب رسول اللہ صلی اللہ علیہ وسلم نے فرمایا: یہ ان کامل ایمان والوں میں سے ہے۔ [سنن سعید بن منصور/كتاب التفسير/حدیث: 885]