سیدہ عائشہ صدیقہ رضی اللہ عنہا بیان کرتی ہیں: نبی اکرم صلی اللہ علیہ وسلم نے یہ بات ارشاد فرمائی ہے: ”مسواک منہ کو صاف کرتی ہے اور پروردگار کی رضا مندی کا باعث ہے۔“ (امام ابن حبان رحمہ اللہ فرماتے ہیں:) ابوعتیق نامی راوی کا نام محمد بن عبدالرحمن بن ابوبکر بن ابوقحافہ ہے۔ انہوں نے نبی اکرم صلی اللہ علیہ وسلم کی زیارت کی ہوئی ہے۔ یہ چار افراد ایک نسل سے تعلق رکھتے ہیں۔ (یعنی آپس میں باپ بیٹا اور دادا پوتا ہیں) ان سب نے نبی اکرم صلی اللہ علیہ وسلم کی زیارت کی ہوئی ہے۔ سیدنا ابوقحافہ رضی اللہ عنہ ان کے صاحبزادے سیدنا ابوبکر صدیق رضی اللہ عنہ ان کے صاحبزادے سیدنا عبدالرحمن بن ابوبکر رضی اللہ عنہ اور ان کے صاحبزادے ابوعتیق (یعنی محمد بن عبدالرحمن رضی اللہ عنہ) اس اُمت میں ان حضرات کے علاوہ کسی کو یہ خصوصیت حاصل نہیں ہے، (یعنی یہ کہ ان کی چار پشتیں صحابی ہوں) [صحیح ابن حبان/كتاب الطهارة/حدیث: 1067]