ابوبکر بن عمارہ اپنے والد کا یہ بیان نقل کرتے ہیں کہ نبی اکرم صلی اللہ علیہ وسلم نے ارشاد فرمایا: ”جو شخص دو ٹھنڈی نمازیں ادا کرے گا وہ جنت میں داخل ہو گا۔“ (امام ابن حبان رحمہ اللہ فرماتے ہیں:) ابوجمرہ نامی راوی بصرہ سے تعلق رکھنے والے ”ثقہ“ راویوں میں سے ایک ہے، اس کا نام نصر بن عمران ضبیعی ہے۔ ابوحمزہ نامی راوی وہاں کے ”متقن“ راویوں میں سے ایک ہے، اس کا نام عمران بن ابوعطاء ہے، ان دونوں حضرات نے سیدنا عبداللہ بن عباس رضی اللہ عنہما سے احادیث کا سماع کیا ہے اور شعبہ نے ان دونوں سے سماع کیا ہے، یہ دونوں ایک ہی زمانے کے ہیں۔ [صحیح ابن حبان/كتاب الصلاة/حدیث: 1739]