عبدالرحمن بن شماسہ بیان کرتے ہیں کہ سیدنا عقبہ بن عامر رضی اللہ عنہ نے ہمیں نماز پڑھائی، وہ اس وقت کھڑے ہو گئے جب ان پر بیٹھنا لازم تھا، تو ان کے پیچھے موجود لوگوں نے «سُبْحَانَ اللَّهِ» ”سبحان اللہ“ کہا لیکن وہ نہیں بیٹھے، جب وہ نماز پڑھ کر فارغ ہوئے تو انہوں نے بیٹھنے کے دوران دو مرتبہ سجدہ کیا (نماز سے فارغ ہونے کے بعد)، انہوں نے فرمایا: میں نے تم لوگوں کا «سُبْحَانَ اللَّهِ» ”سبحان اللہ“ کہنا سن لیا تھا لیکن یہ سنت نہیں ہے، سنت وہ ہے جو میں نے کیا ہے۔ [صحیح ابن حبان/كتاب الصلاة/حدیث: 1940]