سیدنا ابوہریرہ رضی اللہ عنہ نبی اکرم صلی اللہ علیہ وسلم کا یہ فرمان نقل کرتے ہیں: ”جب کوئی شخص مسجد میں داخل ہو تو وہ نبی اکرم صلی اللہ علیہ وسلم پر درود بھیجے اور یہ پڑھے: «اللَّهُمَّ افْتَحْ لِي أَبْوَابَ رَحْمَتِكَ» ”اے اللہ! میرے لیے اپنی رحمت کے دروازے کھول دے۔“ اور جب وہ شخص مسجد سے باہر آئے، تو نبی اکرم صلی اللہ علیہ وسلم پر درود بھیجے اور وہ یہ کلمہ پڑھے: «اللَّهُمَّ اعْصِمْنِي مِنَ الشَّيْطَانِ الرَّجِيمِ» ”اے اللہ! تو مجھے شیطان مردود سے پناہ میں رکھ۔““ [صحیح ابن حبان/كتاب الصلاة/حدیث: 2047]