عروہ بیان کرتے ہیں کہ سیدہ عائشہ رضی اللہ عنہا نے مجھے یہ بات بیان کی ہے کہ نبی اکرم صلی اللہ علیہ وسلم عشاء کی نماز سے فارغ ہونے کے بعد سے لے کر صبح صادق ہونے تک گیارہ رکعات ادا کیا کرتے تھے، آپ صلی اللہ علیہ وسلم ہر دو رکعات ادا کرنے کے بعد سلام پھیر دیتے تھے اور ایک رکعت وتر ادا کرتے تھے، آپ صلی اللہ علیہ وسلم اپنے سجدے کے دوران اتنی دیر ٹھہرے رہتے تھے جتنی دیر میں کوئی شخص پچاس (50) آیات کی تلاوت کرتا ہے، جب مؤذن فجر کی اذان دے کر فارغ ہوتا تھا تو آپ صلی اللہ علیہ وسلم اٹھ کر دو رکعات ادا کر لیتے تھے، پھر آپ صلی اللہ علیہ وسلم دائیں پہلو کے بل لیٹ جاتے تھے یہاں تک کہ مؤذن آپ صلی اللہ علیہ وسلم کو بلانے کے لیے آ جاتا تھا۔ [صحیح ابن حبان/كتاب الصلاة/حدیث: 2431]