سیدنا جابر بن عبداللہ رضی اللہ عنہما بیان کرتے ہیں کہ نبی اکرم صلی اللہ علیہ وسلم بدھ کے دن بنو عمرو کے ہاں تشریف لائے، آپ صلی اللہ علیہ وسلم نے ارشاد فرمایا: ”جب تم اپنی عید پر (یعنی جمعہ کے دن) آؤ تو تم اگر وہاں ٹھہرے رہو اور میری گفتگو سن لو (تو یہ مناسب ہو گا)۔“ ان لوگوں نے عرض کی: ٹھیک ہے، ہمارے ماں باپ آپ پر قربان ہوں یا رسول اللہ! راوی کہتے ہیں: جب وہ لوگ جمعہ میں شریک ہوئے تو نبی اکرم صلی اللہ علیہ وسلم نے انہیں جمعہ کی نماز پڑھائی، پھر آپ صلی اللہ علیہ وسلم نے جمعہ کے بعد دو رکعات مسجد میں ادا کیں، اس سے پہلے آپ صلی اللہ علیہ وسلم کو جمعہ کے دن جمعہ کے بعد مسجد میں دو رکعات ادا کرتے ہوئے نہیں دیکھا گیا تھا، اس دن سے پہلے (فرض ادا کرنے کے بعد) آپ صلی اللہ علیہ وسلم اپنے گھر تشریف لے جایا کرتے تھے۔ [صحیح ابن حبان/كتاب الصلاة/حدیث: 2484]