مصعب بن سعد بیان کرتے ہیں: سیدنا عبداللہ بن عمر رضی اللہ عنہما سیدنا ابن عامر رضی اللہ عنہ کی عیادت کرنے کے لیے تشریف لائے انہوں نے فرمایا: اے ابن عمر! آپ میرے لیے دعا نہیں کریں گے، تو سیدنا عبداللہ بن عمر رضی اللہ عنہما نے فرمایا: میں نے نبی اکرم صلی اللہ علیہ وسلم کو یہ بات ارشاد فرماتے ہوئے سنا ہے۔ ”اللہ تعالیٰ وضو کے بغیر نماز کو قبول نہیں کرتا اور حرام مال میں سے دیئے گے صدقے کو قبول نہیں کرتا اور تم بصرہ کے گورنر رہ چکے ہو (جہاں سے تمہیں آمدن ہوئی تھی)“ [صحیح ابن حبان/كتاب الزكاة/حدیث: 3366]