سیدنا عدی بن حاتم رضی اللہ عنہ بیان کرتے ہیں کہ جب یہ آیت: ﴿حَتَّى يَتَبَيَّنَ لَكُمُ الْخَيْطُ الْأَبْيَضُ مِنَ الْخَيْطِ الْأَسْوَدِ﴾ [سورة البقرة: 187] ”یہاں تک کہ سیاہ دھاگے کے مقابلے میں سفید دھاگہ تمہارے سامنے نمایاں ہو جائے“ نازل ہوئی تو میں نے ایک سفید دھاگہ لیا اور ایک سیاہ دھاگہ لیا، میں نے انہیں اپنے سرہانے کے نیچے رکھ دیا، میں اس بات کا جائزہ لیتا رہا لیکن وہ میرے سامنے نمایاں نہیں ہوا، میں نے اس بات کا تذکرہ نبی اکرم صلی اللہ علیہ وسلم سے کیا تو آپ صلی اللہ علیہ وسلم ہنس پڑے، آپ صلی اللہ علیہ وسلم نے ارشاد فرمایا: ”تمہارا تکیہ بڑا لمبا چوڑا ہے، اس سے مراد رات ہے۔“ [صحیح ابن حبان/كتاب الصوم/حدیث: 3463]