سیدنا عبداللہ بن ابواوفی رضی اللہ عنہ بیان کرتے ہیں کہ ایک مرتبہ نبی اکرم صلی اللہ علیہ وسلم سفر کر رہے تھے اور آپ صلی اللہ علیہ وسلم نے روزہ رکھا ہوا تھا، آپ صلی اللہ علیہ وسلم نے اپنے اصحاب میں سے کسی سے فرمایا: ”تم سواری سے نیچے اترو اور ہمارے لیے ستو گھول دو۔“ انہوں نے عرض کی: ”یا رسول اللہ صلی اللہ علیہ وسلم ! ابھی آپ شام ہو لینے دیں۔“ نبی اکرم صلی اللہ علیہ وسلم نے فرمایا: ”تم اترو اور ہمارے لیے ستو گھول دو۔“ راوی کہتے ہیں کہ وہ صاحب اترے اور انہوں نے نبی اکرم صلی اللہ علیہ وسلم کے لیے ستو گھول دیے، نبی اکرم صلی اللہ علیہ وسلم نے انہیں پی لیا، پھر آپ صلی اللہ علیہ وسلم نے ارشاد فرمایا: ”جب تم رات کو دیکھو کہ وہ اس طرف سے آ جائے، تو روزہ دار شخص افطاری کر لے۔“ نبی اکرم صلی اللہ علیہ وسلم کی مراد یہ تھی کہ مشرق کی طرف سے آئے۔ [صحیح ابن حبان/كتاب الصوم/حدیث: 3511]