سیدہ عائشہ صدیقہ رضی اللہ عنہا بیان کرتی ہیں کہ ایک شخص نبی اکرم صلی اللہ علیہ وسلم کی خدمت میں حاضر ہوا اور اس نے یہ ذکر کیا کہ وہ جل گیا ہے، نبی اکرم صلی اللہ علیہ وسلم نے اس سے اس کے معاملے کے بارے میں دریافت کیا تو اس نے یہ بات ذکر کی کہ اس نے رمضان میں (روزے کے دوران) اپنی بیوی کے ساتھ صحبت کر لی ہے۔ نبی اکرم صلی اللہ علیہ وسلم کی خدمت میں ایک پیمانہ لایا گیا جسے «عَرَق» ”عرق“ کہا جاتا تھا، اس میں کھجوریں تھیں، نبی اکرم صلی اللہ علیہ وسلم نے دریافت کیا: ”جلنے والا شخص کہاں ہے؟“ وہ صاحب کھڑے ہوئے تو نبی اکرم صلی اللہ علیہ وسلم نے ارشاد فرمایا: ”تم اسے صدقہ کر دو۔“ [صحیح ابن حبان/كتاب الصوم/حدیث: 3528]