سیدنا ابوسعید خدری رضی اللہ عنہ نبی اکرم صلی اللہ علیہ وسلم کے بارے میں یہ بات نقل کرتے ہیں آپ نے صوم وصال رکھنے سے منع کیا، تو آپ کی خدمت میں عرض کی گئی آپ بھی، تو صوم وصال رکھتے ہیں۔ نبی اکرم صلی اللہ علیہ وسلم نے فرمایا: تم لوگ میری مانند نہیں ہو میں رات بسر کرتا ہوں، تو مجھے کھلانے والا کھلا دیتا ہے اور پلانے والا پلا دیتا ہے۔ اگر تم میں سے کسی نے صوم وصال رکھنا ہو، تو وہ ایک صبح سے اگلی صبح تک رکھ لے۔ (یعنی ایک سحری سے اگلی سحری تک صوم وصال رکھے، یعنی افطاری کے وقت باقاعدہ کچھ کھائے پیئے نہیں)۔ [صحیح ابن حبان/كتاب الصوم/حدیث: 3577]