ام المؤمنین سیدہ عائشہ صدیقہ رضی اللہ عنہا بیان کرتی ہیں کہ بعض اوقات نبی اکرم صلی اللہ علیہ وسلم ہمارے ہاں تشریف لاتے اور دریافت فرماتے: ”کیا تمہارے پاس (کھانے کے لیے) کچھ ہے؟“ اگر ہم جواب دیتے: جی نہیں، تو آپ صلی اللہ علیہ وسلم فرماتے: ”پھر میں روزہ رکھ لیتا ہوں۔“ سیدہ عائشہ رضی اللہ عنہا بیان کرتی ہیں کہ ایک مرتبہ نبی اکرم صلی اللہ علیہ وسلم ہمارے ہاں تشریف لائے اور دریافت فرمایا: ”کیا تمہارے پاس کچھ ہے؟“ میں نے عرض کی: جی ہاں! ہمیں ”حیس“ تحفے کے طور پر دیا گیا ہے، تو نبی اکرم صلی اللہ علیہ وسلم نے فرمایا: ”صبح تو میں نے روزہ رکھنے کی نیت کی تھی۔“ پھر آپ صلی اللہ علیہ وسلم نے کھانا منگوایا اور اسے کھا لیا۔ [صحیح ابن حبان/كتاب الصوم/حدیث: 3630]