سیدنا ابوہریرہ رضی اللہ عنہ بیان کرتے ہیں کہ نبی اکرم صلی اللہ علیہ وسلم نے ایک شخص کو دیکھا جو قربانی کے جانور کو ساتھ لے کر جا رہا تھا، نبی اکرم صلی اللہ علیہ وسلم نے فرمایا: ”تم اس پر سوار ہو جاؤ۔“ اس نے عرض کی: یا رسول اللہ صلی اللہ علیہ وسلم ! یہ قربانی کا جانور ہے، نبی اکرم صلی اللہ علیہ وسلم نے فرمایا: ”تم اس پر سوار ہو جاؤ۔“ اس نے عرض کی: یا رسول اللہ صلی اللہ علیہ وسلم ! یہ قربانی کا جانور ہے، نبی اکرم صلی اللہ علیہ وسلم نے فرمایا: ”تم اس پر سوار ہو جاؤ۔“ تیسری یا چوتھی مرتبہ نبی اکرم صلی اللہ علیہ وسلم نے یہ فرمایا: ”تمہارا ستیاناس ہو، تم اس پر سوار ہو جاؤ۔“ [صحیح ابن حبان/كتاب الحج/حدیث: 4016]